有個喺加拿大讀過幾年書嘅麻煩強國少女過嚟打子宮頸癌針。佢M未黎，又係話遲幾日會黎個隻。佢有曳曳過，姑娘正常地叫佢要留小便驗孕，不過唔知點解佢唔肯。出面講佢唔掂，掟左佢入嚟俾我。
入到黎，佢用啲唔正嘅英文同我講嘢。通常呢啲人一開口唔講國語，死都要講英文，唔係體貼我，知道我唔想聽國語。佢只不過係想拋我。不過sorry，自大啲講句，你D咁嘅英文唔會夠我好。最憎人同我鬥講英文。
我跟住就重複返姑娘講嘅嘢，有BB唔打得，可能會畸胎或者要落仔。佢話咁真係唔知喎。頂，你知你就唔會發爛渣唔肯驗啦。你就唔會係Layman啦。你就會坐呢個位睇症啦。唉。
我俾三個選擇佢。1. 唔驗就離開，唔好打針，唔賺你啲錢呀！但係祝你好運，你搵到仲有針打你就走啦。2. 而家即刻同我死去驗。3. 你過幾日等經期到你咪過嚟打針--如果還有針的話。當然最後咪死死地氣肯驗孕。
黑起上嚟有條路嘅。幫佢驗孕之後，個結果未出，姑娘就叫佢倒尿。佢又發癲，問點解要自己倒自己啲尿？姑娘個下應該呆左，唔識答佢。
跟住姑娘萬中冇一揀咗一個有問題嘅驗孕棒。條control線出唔到。咁冇辦法，真係要再驗多次。咁又有機會俾佢入，話我地點樣唔專業，點解要倒左佢啲尿，點解唔等個結果出等等……
Sor9ry囉， 咁唔倒都倒左。你求其再屙兩滴出嚟啦，嘈咩姐。你估我哋好想再對住你咩？不過我哋而家佔下風，冇辦法。最尾千辛萬苦，佢坐咗喺度成個鐘頭，先再屙兩滴俾我地。終於驗咗係冇BB。
之後，姑娘幫佢拿拿臨打完就諗住快啲趕佢走。點知佢竟然問姑娘，上次打針冇咁快，你有冇打晒全支？吹脹，乜你驚姑娘報復咩？姑娘要遞支針俾佢Check，證明真係全部打晒。有啲人真係痴線㗎。
###
都係自暴自棄食好西開心啲～
Search